Den Zentrum fir Sozio-professionell Integratioun (CISP) Liewenshaff ass e Projet, deem säin Initiateur d‘a.s.b.l. Päerd's Atelier ass.

Dëse Projet riicht sech u sozial schlecht ugepasste Jonker tëscht 16 an 19 Joer, bei deenen den Parkour vun der Schoul schwéier an dacks duerch Echecken gepräägt ass. Dëst huet verhënnert dëtt, déi néideg Kompetenzen geschaf ginn, fir sech un déi aktuell Konditiounen vum Aarbechtsmaart unzepassen.

D’Haaptzil vum Liewenshaff ass et, dës benodeelegt Jonker op déi alldeeglech a reegelméisseg Praxis vun enger Aarbecht ze bréngen, fir datt se duerno an d’Beruffsliewen oder an d’Schoul, kënnen integréiert ginn. Et geet virun allem drëm d’sozial Isolatioun vun deene Jonken ze briechen, andeems si aktiv um soziokulturelle Liewen am Land deelhuelen, an dat duerch praktescht Léiere wärend enger Dauer vun dräi Joer.

Säit 21 Joer sammele mir zesummen mat der Gemeng Péiteng an enger helle Wull u Veräiner a Benevollen Suen fir d’Recherche géint de Kriibs a speziell géint d’Leukemie bei de Kanner. Soss bekannt als Télévie Rodange hu mir eis am Joer 2013 an „Fir ee gudden Zweck Gemeng Péiteng“ ëmbenannt. Mir engagéieren ons awer och do wou mir gebraucht gi ewéi nom Tornado am August 2019 wou mir eng Kleederspend organiséiert haten.

Dëst ass eng Associatioun, déi sech fir Kanner asetzt, déi net op der Sonnensäit vum Liewen opwuessen kënnen. Eist Ziel ass et dësen Kanner een Laachen op Gesicht ze zauberen, duerch een klengen Geste, eng Aktivitéit, Zäit mat Frënn ze verbréngen. Eisen nächsten Projet ass, eng Vakanzekolonie mat rumäneschen Heemkanner, déi keng Famill méi hunn. Mir engagéieren eis mat hinnen zesummen eng flott Zäit ze erliewen.